Bydd Henrietta Stock yn rhedeg ras rithwir 40fed Marathon Llundain o amgylch ei hardal leol yn Guildford a Woking wrth chwarae'r recorder i godi arian ar gyfer Cerddoriaeth mewn Ysbytai a Gofal.
Yn dilyn y cyhoeddiad na allai Marathon Llundain ddigwydd yn ei fformat arferol, gwahoddwyd rhedwyr i gwblhau 'Y 40fed Ras – Eich Ffordd Chi'. Mae gan gyfranogwyr 23 awr, 59 munud a 59 eiliad i redeg, loncian neu gerdded y pellter o 26.2 milltir ar gwrs o'u dewis ar unrhyw adeg o'r dydd.
Mae gennym bedwar rhedwr anhygoel yn cymryd rhan yn y ras rithwir ddydd Sul 4 Hydref.
Dywedodd y Prif Weithredwr Barbara Osborne: “Rydym mor falch y bydd cyfle gan ein cyfranogwyr Marathon Llundain i redeg eleni o hyd ac rydym yn hynod ddiolchgar am yr arian maen nhw wedi’i godi fel y gall mwy o bobl brofi pŵer iachau cerddoriaeth fyw.”
Mae Henrietta wedi dewis llwybr a fydd yn mynd â hi heibio Ysgol Gynradd Barnsbury, lle dysgodd chwarae'r recorder gyntaf yn yr ysgol. Bydd ffrindiau o Fand Heddlu Surrey hefyd yn ymuno â hi am ran o'r llwybr.
Dywedodd Henrietta: “Mae wedi bod yn anodd aros yn frwdfrydig dros yr haf ar ôl i’r marathon gwreiddiol gael ei ohirio, ond anfonodd un o fy nghydweithwyr neges ataf i ddweud ei fod wedi profi gwaith Cerddoriaeth mewn Ysbytai a Gofal yn uniongyrchol pan aned ei fabi yn gynamserol ychydig flynyddoedd yn ôl a daethant i wneud sesiwn Awr Hwiangerdd ar ward y babanod cynamserol. Fe helpodd hyn fi’n fawr i fynd allan i redeg eto. Yn Llundain, efallai na fyddai chwarae’r recorder wrth redeg wedi edrych mor rhyfedd ochr yn ochr â miloedd o redwyr yn gwisgo pob math o wisgoedd. O gwmpas Guildford a Woking, dydw i ddim yn siŵr y byddaf yn cymysgu i mewn cystal!”
Bydd 45,000 o redwyr yn cymryd rhan ym marathon rhithwir eleni, sy'n un o nifer o ddigwyddiadau sydd wedi'u haddasu eleni i ddilyn canllawiau cadw pellter cymdeithasol.
Dywedodd Hugh Brasher, Cyfarwyddwr Digwyddiadau Marathon Llundain Virgin Money: “Mae’r ymateb wedi bod yn anhygoel a bydd ysbryd Marathon Llundain yn disgleirio’n llachar ledled y byd ddydd Sul 4 Hydref. Llundain yw’r marathon mwyaf poblogaidd ar y blaned gyda mwy na 457,000 o bobl yn ymgeisio yn y bleidlais ar gyfer Marathon Llundain Virgin Money 2020. Mae Marathon Llundain rhithwir cyntaf hwn, Y 40fed Ras, wedi cynnig cyfle unigryw i redwyr ledled y byd ennill y fedal gorffen a’r crys-T nodedig honno ac rydym yn credu mai dyma’r marathon rhithwir mwyaf a gynhaliwyd erioed.”
Noddi Henrietta drwy fynd i uk.virginmoneygiving.com/henrietta .
Cheering on our amazing London Marathon runners!
Congratulations to our fantastic team for crossing the finish line of the London Marathon.
Concert cellist Lydia takes on the London Marathon for Music in Hospitals & Care
Lydia, a professional cellist in New York, has been involved in music and performing in care settings for many years: “When I was younger, my grandfather was in a care home, and we would visit and play music for him.”
Mae ein hapêl Celfyddydau er Effaith yn codi £5,513!
Diolch yn fawr iawn i bawb a gefnogodd ein hapêl Celfyddydau er Effaith. Rydym wrth ein bodd yn cyhoeddi, gyda'ch help chi, ein bod wedi rhagori ar ein targed, gan godi £5,513!