Adar Cân a Sêr Roc a Rôl yn ymhyfrydu yn Didsbury

Llenwodd sain bysedd-pictio melodig, strwmio a chanu’r awyr yng Ngerddi Fletcher Moss yn Ne Manceinion ddydd Sul 20 Gorffennaf ar gyfer Llwybr Gitâr blynyddol Didsbury. Ni wnaeth y tywydd ddifetha’r hwyliau wrth i’r gymuned leol ddod allan i fwynhau cerddoriaeth fyw a chymryd rhan yn y raffl boblogaidd am gyfle i ennill eu gitâr acwstig eu hunain.

Gyda glaw wedi'i ragweld ac un o sioeau dychwelyd Oasis a ddisgwyliwyd yn eiddgar yn digwydd ym Manceinion ar yr un diwrnod, roedd rhaid i'r tîm Roll With It ond llwyddon nhw i gael diwrnod ardderchog arall.

Bellach yn ei 16eg flwyddyn, mae'r digwyddiad lleol poblogaidd hwn yn parhau i dyfu fel menter lawr gwlad dan arweiniad gwirfoddolwyr a cherddorion lleol, gyda rhaglen amrywiol o gerddoriaeth drwy gydol y dydd. Mae gitaryddion profiadol ac amaturiaid angerddol fel ei gilydd yn cymryd eu lle yn y gerddi alpaidd i greu llwybr cerdded gwirioneddol unigryw i ymwelwyr, cyn ymgynnull ar y teras ar gyfer perfformiadau ar y prif lwyfan yn y prynhawn.

Wrth wraidd y digwyddiad mae Philip Dylak, cerddor lleol sydd wedi troi’n drefnydd ac sydd wedi bod yn rhan o bob agwedd ar y digwyddiad dros y blynyddoedd.

“Dw i wedi gwneud popeth yn Llwybr Gitâr Didsbury,”

Dywed Philip.

“Dechreuais fel perfformiwr, yna chwaraeais ar y prif lwyfan ac yn awr rwy'n helpu i drefnu'r cyfan. Mae wedi tyfu i fod yn rhywbeth gwirioneddol arbennig.”

Yr hyn sy'n gwneud y digwyddiad hwn yn arbennig yw ei ddilysrwydd a'i ysbryd cynhwysol.

“Rydych chi’n clywed rhywun yn chwarae cân rydych chi’n ei hoffi ac yn meddwl, Dw i’n hoffi hynny, mi wnaf i roi arian i’r elusen. Dw i ddim yn gwybod am unrhyw un arall yn gwneud unrhyw beth tebyg iddo,” eglura Philip.

Ymhlith y cerddorion sy'n cefnogi'r digwyddiad flwyddyn ar ôl blwyddyn mae Chris Layhe, aelod sefydlu a chwaraewr bas y band o Lerpwl The Icicle Works, a gafodd ganeuon llwyddiannus yn yr 1980au. Mae gan Chris gysylltiad hir â Cherddoriaeth mewn Ysbytai a Gofal, ar ôl bod yn gerddor ac yn gefnogwr dros y blynyddoedd.

“Mae gan gerddoriaeth ffordd anhygoel o’n huno, boed ar y llwyfan neu mewn ysbyty,”

meddai Chris.

“Mae dod â’r ysbryd hwnnw allan i’r gymuned yn y Llwybr Gitâr yn fraint go iawn. Rydych chi’n gweld pobl yn cysylltu drwy gerddoriaeth mewn ffordd ddilys iawn ac rydych chi’n helpu achos gwych ar yr un pryd.”

Mae Llwybr y Gitâr yn ein hatgoffa o sut y gall digwyddiadau dan arweiniad y gymuned ddod â phobl ynghyd a gwneud gwahaniaeth gwirioneddol.

“Nid yw’n ddibynnol ar y rhyngrwyd,”

meddai Philip.

“Gallwch adael eich ffôn gartref a chael diwrnod allan da hen ffasiwn. Mae'r digwyddiad yn ddiogel iawn, yn bleserus iawn, ac yn addas i bob oed. Mae'n gyfle i glywed ystod eang o gerddoriaeth mewn lleoliad hardd, ac i gefnogi elusen sy'n gwneud gwaith pwysig.”

Rydym mor ddiolchgar i drefnwyr ymroddedig y digwyddiad cymunedol gwych hwn ac wrth ein bodd ein bod wedi codi dros £900 i helpu i rannu pŵer iachau cerddoriaeth fyw.

Os oes gennych ddiddordeb mewn cynnal digwyddiad codi arian cymunedol, ewch i mihc.org.uk/get-involved/fundraise i gael syniadau, lawrlwytho eich pecyn codi arian am ddim a darganfod sut y gallwn eich cefnogi.