Mae ein hapêl Nadolig Rhoi Mawr yn codi dros £11,000!

Diolch yn fawr iawn i bawb a roddodd i’n hapêl Nadolig Rhoi Mawr. Rydym wrth ein bodd yn cyhoeddi ein bod gyda’n gilydd wedi cyrraedd cyfanswm o £11,318!

Cynhaliwyd yr apêl o 3 i 10 Rhagfyr a chafodd rhoddion hyd at £3,500 eu cyfateb gan Big Give i gyrraedd ein targed o £7,000.

Bydd yr arian a godir yn helpu i rannu mwy o gerddoriaeth fyw gyda phobl o bob oed mewn wardiau ysbytai, unedau newyddenedigol, hosbisau, cartrefi gofal, canolfannau dydd a grwpiau cymunedol adeg y Nadolig a thrwy gydol y flwyddyn. Rydym mor falch o fod wedi codi swm mor wych.

Os na chawsoch gyfle i gyfrannu, gallwch chi o hyd helpu trwy roi cerddoriaeth fyw heddiw .

“Yn ystod carol Nadolig, dechreuodd gwraig hŷn ganu i’w gŵr, a oedd yn anymwybodol. Agorodd ei lygaid i edrych arni, a pharhaodd hi i ganu iddo gyda chariad – ac fe wnaethant gynnal ffocws hyfryd gyda’i gilydd wrth i’r gerddoriaeth barhau.”
Adborth gan ein cerddor Jane Bentley ar ôl rhannu cerddoriaeth fyw yn Ysbyty Brenhinol Caeredin y Nadolig diwethaf

Mae digon o amser o hyd i wneud rhodd yn ystod y tymor Nadoligaidd hwn a fydd â dylanwad enfawr ar bobl mewn ysbytai a gofal, eu teuluoedd a'r staff sy'n eu cefnogi. Drwy ddarparu eiliadau o heddwch, tawelwch, llawenydd, eglurder a myfyrdod yn ystod yr adeg arbennig hon o'r flwyddyn, gallai eich cefnogaeth olygu cymaint i rywun sy'n mynd trwy gyfnod anodd.